Transcription
1
JHS
2
Monsieur, j’ay receu deux dépêches votres. La première a esté par ung qui a esté page de
3
monsieur d’Evènes, nomé Le Motet, qui arriva yssi le 14e du présant, et 4 jours après, ay receu
4
l’aultre, dastée du 26e juing, dans laquelle dépêche, il y a une lettre pour monsieur le conte de Sault.
5
Suys esbaye come ceste si a esté si long temps par chemin. Je ne ferè faulte, le plustost que sera
6
poucible, lez faire conduyre surement à madame de Caseneufve qui est bien tousjours désirante
7
scavoir de vos bones novellez qui la resjoyssent plus que chose de ce monde. Elle est en bone
8
sancté cellon que je puys entendre et aussi messieurs nos frayres et madame notre bone seur
9
et tous nos aultres bons parans. Je vous suplieray, monsieur, me voulloir tousjours tenir à votre bone
10
grâce, à laquelle, très humblement, me recommande et à celle de madame de Gordes, come faict
11
pareilhement madame ma révérente mère abbesse et notre bone niepce de La Coste, laquelle, avecquez
12
moy est en fort bone sancté, grâcez à Notre Seigneur, lequel je prie vous doner, monsieur, en très bone
13
sancté, vie longue très heureuse pour l’acomplissement de tous bons désirs. Escript en votre monastère
14
de Ste Claire d’Avignon, ce 18e julhet 1572, par
15
Votre très humble et très obéissante sœur,
16
sœur Cecille de Simiene
17
Monsieur, je resseu une autre votre despêche datté du XIXe du présant,
18
laquelle ne failhiray fère tenir en Provence.